اسكريبت لوجينا بقلم سولييه نصار
انت في الصفحة 1 من 5 صفحات
سكريبت بقلم سولييه نصار
أنا مش هتجوز بنت جامعية يا ماما ده مستحيل !!!
مؤيد !!
قالتها ماما پصدمة بس أنا كنت مصر على قراري عيوني لمعت وقولت پغضب
أنت عايزاني أتجوز بنت طلعت ودخلت وأكيد صاحبت وارتبطت بحجة أنها بتتعلم في الجامعة أنا كنت في كلية وعارف المسخرة اللي بتحصل
هزت ماما رأسها وقالت
أنا مش مصدقة أن تفكيرك بالتخلف ده يا مؤيد مش كل البنات زي ما أنت فاكر أنا كنت في كلية طب أسنان وكنت محترمة مفيش حد قدر يقول عليا نص كلمة وأنا اللي ربيتك يا أستاذ
بصيت لها بضيق وقولت
مش كل البنات زيك يا أمي بنات اليومين دوول مش كويسين الواحدة فيهم تحط مكياج على وشها وتنزل وتتمايص وتتصاحب أنا عايزة اتجوز قطة مغمضة يا ماما واحدة متكونش طلعت ولا اختلطت واحدة محافظة على نفسها عشان كده المبدأ ده مرفوض حتى اختي سهيلة مش هخليها تروح كلية كفاية عليها تأخد اعدادية وبعدين اجوزها
صړخت أمي في وشي بإ نهيار وبعدين كملت
أنا مش هخليك تد مر حياة اختك زي ما أبوك د مر حياتي أنا انفصلت عنه عشانكم وعشان متتعقدوش دلوقتي جاي تبقى زيه !!ليه يا مؤيد ليه!!ليه ضيعت تعبي بالشكل ده ليه !!
كانت امي مستمرة في الصړاخ في وشي ومڼهارة مسكت ايديها عشان أهديها واقول
يا أمي ده الصح دلوقتي البنات غير زمان بقوا أبجح من الشباب أنا خاېف على سهيلة عارفة يعني ايه كلية يا أمي يعني مكان مختلط وتتعامل مع شباب وتهزر معاهم تحت بند زميلي أنا دخلت وشوفت القرف ده بعيني سهيلة بس تاخد الإعدادية تتجوز ونخلص من الموضوع ده
بطل جنان انت طلعت زي ابوك انت زيه يا مؤيد أنا حاسة اني بشوف جمال قدامي لا لا
اهدي يا أمي
مش ههدأ الا لما تطلع الوهم ده من دماغك وتجي معايا النهاردة نشوف لوجينا بنت صاحبتي شهد لا أنت ابني ولا اعرفه انت فاهم
نفخت بضيق وقولت
خلاص يا امي هروح اشوفها وامري لله
بالليل
كنت قاعد في بيت صاحبة ماما كانت بترحب بيا أووي وانا وصغير كنت بحب الست دي اووي بتعاملني زي عيالها بس لما كبرت عزلت نفسي عن كل الناس حتى مشوفتش لوجينا من زمان اووي اخر مرة شوفتها تقريبا كان من عشر سنين كليتي ودراستي وشغلي اخدوني من الحياة جامد كنت ببص لأمي ومتضايق أنها أجبرتني اجي
فجأة عينيا اتجمدت وانا شايفها خارجة لوجينا البنت الصغيرة اللي كنت بلعب معاها دلوقتي اتغيرت وبقت شابة جميلة لابسة فستان واسع وخمار ووشها في الأرض كانت مثالية أنها تكون مراتي بس
مشكلتها الوحيدة أنها دخلت كلية بسيطة
