للقلب نظرة

عمك واصريت اني انا اللي اشرف على حمايتك ...وهو ساعدني لانو عارف اني مهتمه بيك جدا
كان بيسمعها بدهشه وقال.... انا مش مصدق اللي بسمعه ..انا لفت انتباهي الاسم وقت كتب الكتاب بس مستحيل كان يجي في خيالي انك بنت العقيد محمد الله يرحمه..بجد هتجننن مش مصدق ابدا
نظره قربت اكتر و قالت مش مصدق لانه حلو ولا وحش

عمر حط ايده ورا وسطها وشدها عليه وقال . مفيش  احلى من كده عموما يعني.. بس اتفاجئت اوي
نظرة ابتسمت وقالت... يعني انبسطت
عمر قرب وقال ..قوي قوي قوي قوي 
نظرة ابتسمت بسعاده وقالت...ايوه بس يعني.. احنا هنطلق 
عمر  ابتسم  وقال...مين قال اننا هنطلق
نظرة قالت...ده الي اتفقنا عليه  هنتجوز فتره لحد ما نقدر نقبض على العصابه دول وبعد كده نطلق
عمر قال ..مين قال كده عمي....وطبعا زي اتفقتو عليا واتجوزتك من غير ما افهم حاجه عايز يطلقنا من غير ما افهم
نظرة  اتنهدت وقالت... افهم يا عمر ...احنا مقصدناش نتفق عليك ..بس العصابه دي كبيره قوي بالنسبه لهم دلوقتي انا بقيت مكشوفه قدامهم و مصرين ېقتلوني الي حصلهم بسببي مش سهل  وراح فيها اكبر حد فيهم يعني مش هيهدو الا لو انا مت و
بس قاطعها  وقال بسرعه ما تقوليش كده تاني هو انا لحقت اشبع منك 
نظرة بصتلو بدهشه وقالت... نعم يا اخويا يعني لو شبعت مني  اموت عادي
عمر ضحك على شكلها وقال...اه ټموتي عادي
نظرة  بصتلو غيظ وعمر قال  بسرعه... لان عمري في حياتي ما هشبع منك
نظرة ابتسمت على جنانه وهزت راسها بيأس وقالت طيب...هصدقك وخلاص...
عمر قال المفروض انا اللي اسالك مش دول قرايبك ولا مش عارف ايه
نظره ضحكت وقالت..اه دول اصدقاء لبابا الله يرحمه ما تقلقش دول امان قوي ..وهنا في خيمه قريبه على طول متجهزه و بيستخدموها زي حمام عام 
عمر قال بدهشه...خيمه...طب دي فيها دش ولا حاجه
نظرة ضحكت وقال دش اه وفيها بانيو كمان...دش ايه الي هيكون في الخيمه يعني اصلا هنا الميه مش واصله وبيستخدمو براميل بس هتلاقي فيها برميل ميه استخدمو ...المهم  اوعي
عمر  ضحك جامد وقال...انتي بتشكي فيا
نظرة قالت ..لا مش بشك ابدا انا متاكده  .يلا
عمر قال بضحك..طب وانتي هتعملي ايه
نظره قالت بابتسامه ..ولا حاجه  زيك
عمر قال بدهشه..نعم يا اختي.. زي ازاي طب انا هطلع لافف الفوطه علشان البس الهدوم بعد ما استحمى
نظرة ضحكت جامد وقالت... لا انا جبت لنا جلبتين على اساس ننام بيهم جبتهم من مرات خالي هنا هنلبسهم
عمر ابتسم وقال..اذا كده ماشي..
نظرة  بصتلو بغيظ وقالت... تاني يا عمر
عمر ضحك وقال... يا بنتي قصدي هقفلك بره..  الاحسن حد يدخل عليكي لحد ما  تخلصي
نظرة ضحكت وراحوا سوا ودخلت نظره وهو فضل مستنيها بره قدام الخيمه
بعد شويه فتحت الخيمه ولسه هتطلع اتفاجئت بعمر قاعد على صخره وحواليه خمس ست بنات وبيضحكوا جامد 
بقلم زهرة الربيع 
واحده منهم قالت... طيب رد على سؤالي انت مجاوبتنيش.. بقول لك عايزاه يرجع لي
عمر  ابتسم وقال.. وترجعيه ليه  الي يرحل.. نشقط غيره اسهل
البنات ضحكو وهو قال... ما لوش ابن عم ابن خال البنت قالت بسرعه..ايوه ليه
البنات بقم يضحكو جامد  ونظره وبقت تبصله بزهول وقالت... انت بتعمل ايه هنا ...انا ما اعرفش اسيبك ثلاث دقائق ..
ونظرة  بصت له بغيظ شديد وقالت.. انا هقعد استنياك هنا 
عمر قال.. نعم يا اختي عشان اطلع الاقيك بتتعاكسي لا طبعا ادخلي معايا
نظرة بصتلو بغيظ وهو قال..طيب تعالي  اوصلك الاول
نظرة بصت له وقالت بعند مش متحركه من هنا غير